~*¤ô§ô¤*~يبكــــــــي القلـــــــــب~*¤ô§ô¤*~

~*¤ô§ô¤*~يبكــــــــي القلـــــــــب~*¤ô§ô¤*~


عندما نمشي بين البشر ..ونخطي تلك الخطوات المتثاقلة ..نجر تلك الخطوات بصمت ..بألم ..تظل العيون حائرة ..نتصنع الأشياء الزائفة وما إن نتذكر شريط الذكريات ..ونفتح ملفات الماضي الحزين ..حينها يبكي القلب .



~*¤ô§ô¤*~يبكــــــــي القلـــــــــب~*¤ô§ô¤*~


عندما يكون على سفينة الحياة على ذلك البحر فيغرق ولا يشعر بنفسه الا وقد فقد الوعي ومن ثم .صحى ليجد نفسهُ على ضفافها وحيداً ..



~*¤ô§ô¤*~يبكــــــــي القلـــــــــب~*¤ô§ô¤*~



عندما تموت مشاعرمن تحب..تبحث عنه بعينيك
فتجدهُ بعيداً عنك ..قد لـــــُــغيت من عالمه ومن حياته ومن تفكيره ..وأصبحت بالنسبة لهُ ذكرى ..تحاول أن تجمع أفكارك وتصدق ..قد تكابرفي داخلك ..وتتصنع أنك بعته مثل ماباع حبك الغالي ..ولكن الحقيقة غير ذلك ..حبه باقي ولم ينتهي ..تتصنع تتجاهله ولكنك تبحث عنهُ أينما كنت متواجد ..



~*¤ô§ô¤*~يبكــــــــي القلـــــــــب~*¤ô§ô¤*~



عندما تسمع مأسي العالم ..تسمع ذاك قد رمى بوالده ..ضربه
ذاك قُتل ..تلك أختطفت ..حينها يبكي القلب.



~*¤ô§ô¤*~يبكــــــــي القلـــــــــب~*¤ô§ô¤*~



عندما يرحلون ..فترى أثارا قدمهم على التراب قد بقيت فتنظر إليها وعينيك غارقة بالدمع ..فتجد قلبك قد تتبع أثارهم دون شعور..ثم لاتلبث قليلا الاوجاءت تلك الرياح لتمحي أثار أقدمهم.. فتصبح بالنسبة لهم ذكرى .. قد فقدت أخبارهم ودونت في داخلك ألم رحيلهم ...



~*¤ô§ô¤*~يبكــــــــي القلـــــــــب~*¤ô§ô¤*~



عندما يغيبون عنك ,وفجأة يتذكرونك لحاجة في نفوسهم ..وحينما تلبيها بقلب
صادق لهم ,تفتح عينيك لتجد نفسك قد لـُغيت من قائمة حياتهم بعدما حققوا مرادهم



~*¤ô§ô¤*~يبكــــــــي القلـــــــــب~*¤ô§ô¤*~




عندما لايتحمل البعد فيؤثر الصمت.. خوفاً من ردود عكسية قد تصدمه



~*¤ô§ô¤*~يبكــــــــي القلـــــــــب~*¤ô§ô¤*~



عندما لايستطيع أن يساعد مريض ..
ولا يغيث مسكين ولا يقدم خدمات عاجز هو عنها

يوم بلا نهاية

من كام يوم فاتوا كده عدى عليّ يوم عصيب جدا بركاتى كلها حلت وكل اللى داعى علي دعوته طلعت فى اليوم ده
المفروض انى منتظر بضاعة للمكتب بتاعى (قطع غيار واكسسوار كمبيوتر) البضاعة دى المفروض كانت توصل من قبل العيد لكن اعمل ايه فى شركات الشحن ربنا يهدى الجميع
المهم اليوم ده قررت انى اروح اسيوط استلم الشحن بتاعى (انا ساكن بعيد عن اسيوط بحوالى 60كم يعنى 45 دقيقة بالعربية) فرنيت على واحد حبيبى وقلتله انى رايح معاه اسيوط النهارده علشان هو معاه عربية وبينى وبينكم انا قولت هاستغل الموقف واشيل البضاعة بتاعتى فى العربية عنده واظبط المسائل
الساعة 8 الصبح كنت واقف عنده قدام البيت بنبص على العربية لقينا العجلة على الجنط!! يا حول الله يارب احنا لسه بنقول يا صبح
الواحد لابس هدمة نضيفة وكاوى اللى على الحبل ومظبط نفسه وراشش قزازة البرفان على هدومى

سلمت امرى لله وطلعت الكريك انا وهو وفكينا العجلة وطلعنا الاستبن ويارتنا ما طلعنا الاستبن

اتارى اخوه فرقع منه الاستبن قبل كده وصلحه بس التيل البرانى متخربق يعنى العجلة لو ركبت ما تمشيش كيلو واحد حتى

المهم قولته نركبها ونعكز بيها لحد المشحمة نظبط العجلة ونغيرها

وتم فعلا تغيير العجلة بالعجلة النص عمر دى

جينا نعدى السكة الحديد لقيناها مقفولة فنزلنا من النفق واحنا طالعين من النفق عربية ريحت علينا كسرت الفانوس اللى قدام اشارة وإضائة كمان

قولنا ما علينا هو اليوم شكله زى الفل وتمام التمام

كملنا لحد المشحمة و ظبطنا العجلة وتممنا على كل العجل بتاع العربية

يالا يا ابنى نطلع على اسيوط قالى الحاجة هتيجي معانا اسيوط هوصلها مشوار هناك

طيب يا لا بينا علشان كده احنا اتأخرنا

رحنا جيبنا الست والدته من البيت وخلاص هنطلع على اسيوط لمبة البنزين بتاعت العربية نورت

يييييييييييييييه ايه يا ابنى فى ايه بس مش تشيك على العربية من بالليل ؟؟؟ المهم مطولش عليكم دخلنا البلد تانى علشان نجيب بنزين فولنا العربية واستلمنا السكة واتكلنا على الله

واحنا ما شيين فى امان الله عربية محملة رملة وماشية قدامنا حاجة وقعت منها جت فى الفانوس التانى راحت دشدشته ميت حته الاضاءة والإشارة برده

قولت للواد صاحبى بقولك ايه امشى وما تنطقش واحمد ربنا اننا لسه عايشين لحد دلوقتى وفضلنا ما شيين لحد قبل اسيوط بعشرة كيلو ولقينا لجنة مرور منصوبة وحتة عسكرى ابن ستين فى سبعين واقف فى النص اول ما شاف العربية راح موقفها وواخد مننا الرخص

نزلنا للنقيب اللى ماسك اللجنة الراجل قالنا انتوا الفوانيس عندكم مكسرة الاضاءة والاشارة كمان

يا باشا سعتك دى اتكسرت واحنا ماشيين دلوقتى واحنا هنشترى غيرهم واحنا فى اسيوط

الراجل قعد يفكر شوية وهو بيفكر وباصص على الرخصة لقى الرخصة بتاعت العربية انتهت يوم 14/10/2007 يعنى بقالها حوالى 3 ايام منتهية فراح بصلنا كده وقالنا انتوا باين عليكم عاوزين مخالفة وهتشرفونا النهارده

فى الوقت ده انا كنت سايب الواد صاحبى يتكلم معاه ومسكت الموبيل ونزلت رن على كل اللى اعرفهم ولي كلام معاهم (معاون المباحث , معاون المأمور , ونقيب فى المرور, ونقب فى أمن الدولة ) الاربع موبيلات مقفولة علشان احنا بالصبح بدرى

المهم الواد فضل يتحايل على الظابط لحد ما قاله الحاجة معانا فى العربية ومش عاوزيين نبهدلها , لولا انه سابنا نمشى

وبعد طول عناء وكوارث نازله ترف علينا من الصبح وصلنا والحمد لله اسيوط انزل عند شركة الشحن الاقيها قافلة

فضلت الف حوالين نفسى واقعد شوية فى نت كافييه وارجع للشركة الاقيها لسه ما فتحتش

الضهر اذن روحت صليت الضهر ورجعت لقيت الشركة فتحت بس المسئول عن المخزن لسه ما وصلش

صاحبى بيرن علي انا خلاص خلصت مصالحى هنا ها انت خلصت علشان نروح؟ معلش يا مان انت عدى علي فى المكان الفلانى ده قدام شركة الشحن وانا مستنيك هتلاقينى خلصت بإذن الله

المهم الراجل جه كنت خلاص قربت اخلص استلام

استلمت ودفعت دم قلبى وتقريبا اشهرت افلاسى وركبت معاه ورحنا علشان نعدى على والدته نجيبها معانا ونروح

وفجأة افكرت انى نسيت حاجة مهمة جدا بعد ما خلاص وصلنا تقريبا عن والدته

لف يا ابنى وارجع تانى نيجي نلف نلاقى الطريق فى مشلكة ومحولينه قعدنا نلف بالعربية فى الزحمة فى وسط البلد حوالى 3 كيلو علشان نعرف نوصل للمكان اللى كنا فيه تانى

اخدت الحاجة اللى كنت ناسيها واتكلنا على الله جبنا والدته واستلمنا السكة ومروحين

واحنا ماشيين فى أمان الله بعد كل الكوارث اللى حصلت دى نلاقى اللجنة لسه واقفة

آآآآآآآآخ نسينا الفوانيس بتاعت العربية

ونفس العسكرى الرذل ده وقفنا تانى ياعم ما احنا وقفنا واحنا رايحين وخلصنا مع الظابط

لايمكن لازم تركن وتنزلوا

نزلنا للظابط ياعم الحج احنا ملقيناش فوانيس للعربية وبكرة ان شاء الله هنكون لقيناهم يروح العسكرى الرذل يقوله

ياباشا دول عندهم ستاير فى العربية

الراجل راح ماسك الدفتر على طول وهايعمل مخالفة رحت ماسك الموبيل وبرن على اللى اعرفهم فالظابط قالى بتعمل ايه

قولته هاكلم فلان فى أمن الدولة يمكن يكون يعرف حضرتك علشان حضرتك لو واحد معرفة ليك وعنده نفس المشكلة بتاعتنا هتسيبه يعدى وده بقى امر طبيعى فى بلدنا

راح باصصلى من فوق لتحت وقالى والله عندك حق خد ياعم العربية بتاعتك واتكل على الله انت وهو بس رجاء مش عاوز اشوفكم تانى فى اللجنة علشان هافقد اعصابى

والحمد لله لحد ما روحنا البلد محصلتش اى مشاكل تانى خلاف ان مقطورة واحدة مش شابكة اى حاجة معاها ماشية على 24 عجلة كانت ناويه تتطحن العربية اللى احنا فيها بس اتسترت والحمد لله ووصلنا سالمين إلى أرض الوطن

وده فعلا كان يوم من الايام التى تحفر فى ذاكرت التاريخ

يوم لن ينسى ابدا

غرزتين وبس

السلام عليكم ورحمة الله وبركاته

اليومين اللى فاتوا دول عملت عمليه الزايدة
بس الحمد لله دلوقتى بقيت احسن بكتير
وقلت ان أول حاجة اعملها انى زى ما ربنا خلانى استفدت وحسيت بحاجات كتير كانت غايبة عنى انى احاول اذكركم ببعض النعم اللى فعلا مكنتش حاسس بيها
عارفين عملية الزايدة دى بيقولوا عليها من اسهل العمليات وحاجة عادية خالص وجرحها بسيط جدا مجرد غرزتين وبس اللى أخدتهم بس تعالوا نشوف نعم ربنا اللى الواحد مش حاسس بيها
* الواحد لما يبقى على السرير وعاوز ينزل ثوانى بينط يبقى واقف جنب السرير دى نعمة لازم الواحد يحمد ربنا عليها علشان فى ناس تانيه بيحتاج اتنين علشان ينزلوه من على السرير
* تتمشى لحد الحمام براحتك ده موضوع تانى علشان فى ناس برده عاوزه اتنين يسندوها علشان يروح الحمام
* الواحد لما يجيلوا نزلة برد ويكح ويعطس يحمد ربنا على النعمة الكبيرة دى , والله نعمة كبيرة قوى , فى غيرك مش قادر يكح الكلمة دى بالذات كانت على لسانى على طول كل ما حد يسألنى أقوله الواحد مش قادر يكح من تعب الشغل لكن عمرى ما حسيت بمعنى الكلمة دى غير دلوقتى اما العطس ده موضوع تانى الواحد بيعطس ويقعد نص ساعة بعدها ماسك جنبه من العطس
* حتى الضحك مش قادر تضحك ألم فظيع لما تضحك شوف الواحد لما بيعيط من كتر الضحك؟ اهو الواحد بقى يعيط من كتر ألم الضحك
* عاوز تاخد شاور ؟ احمد ربنا انك بتاخد شاور لوحدك , مش فيه تلاته اربعه واقفين جنبيك علشان تاخد دش
* والله لو فضلت أقول مش هاقدر اخلص كل اللى انا حاسس بيه .....
وكل ده من ايه؟ غرزتين اتنين وبس!!!!! ده فى ناس بتعمل عمليات خطيرة جدا والله الناس دى بجد ربنا يكون فى عونهم
اللهم لك الحمد على نعمك الجليلة
يارب نتذكر كلنا مع بعض نعم ربنا ونحاول نأدى شكر النعم دى اللى كانت غايبة عن الواحد لحد ما حس بيها فعلا

درس قاسى من دروس الحياة

السلام عليكم ورحمة الله وبركاته
فى درس اتعلمته من الحياة مش عارف انا فاهمه صح ولا غلط لكن بجد بعد اللى شوفته لولا إنى اتعلمت الدرس ده كان زمانى وقعت من بدرى
جايز سنى يكون صغير شوية لكن حياتى كان فيها صعوبات كتير وصدمات كتير واتغربت عن البيت 3 سنين وكمان نزلت سوق العمل بدرى
الدرس اللى اتعلمته من الحياة انى ما اتصدمش فى أى حد حتى أقرب الناس ليا وما اعاملش الناس ابدا اعامل ربنا بس
يعنى اتعامل مع الناس كويس جدا لأنى بعامل ربنا سبحانه وتعالى
لكن لما حد يغدر بيا أو يعمل حركة نقص معايا خلاص ما ادقش عليه ابدا لأنى زبط نفسى انى اتوقع خيانة اى شخص فى أى وقت
زمان كنت بتصدم جامد جدا فى أصحابى الواحد كان بيعمل معاهم اللى ما يعملوش أخ مع اخوه وفجأة تلاقى الواحد منهم باعك فى أول محطة
بس اكتشفت ان هى الدنيا بتاعتنا كده
يبقى الواحد يعمل اللى ربنا أمره بيه وبس ومينتظرش شئ من أى حد تانى
يعنى اى حد فى أصحابى او قرايبى يحصل عنده أى حاجة كويسة بكون مبسوط وأى حاجة لاقدر الله مش كويسه بزعل جدا علشانه ولو فى شدة بقف جنبه
لكن ساعة ما يغدر عودت نفسى انى ما ازعلش , خلاص مش بتفرق لأنى أنا مكنتش بعمل الحاجات دى علشانه هو فهزعل منه ليه؟
حاسس ان مشاعرى بقت فى تلاجة للأسف لكن غدر الزمان والأصحاب هو اللى عمل فيا كده
وبينى وبينكم كده أريح علشان الزعل وحش قوى على الانسان
مش عارف كلامى ملخبط شوية
بس ياريت تكونوا فهمتوا أنا عاوز اقول ايه

السلام عليكم ورحمة الله وبركاته
عاملين ايه يا جماعة؟
يا رب تكونوا كلكم بخير
المهم ما طولش عليكم امبارح اشتريت بيض وانا بحطه فى التلاجه لقيت بيضة شكلها غريب خالص وكلها بروز فجبت قلم فلوماستر ومشيت على الخطوط البارزة اللى فى البيضة لقيت الخطوط دى كتبت - الله , محمد , الله - فرحت مصورها بالموبيل والصور بتوضح لفظ الجلاله و اسم نبينا المصطفى صلى الله عليه وسلم
فعلا حاجة تدل على عظمة الخالق سبحانه وتعالى

الأقصى يا مسلمون....!ـ

قوات الاحتلال تقتحم الأقصى وتطلق النار على المصلين
الشرطة الإسرائيلية منعت الشباب من دخول باحة الأقصى بزعم وجود حفريات
اقتحمت قوات الاحتلال الإسرائيلي باحة المسجد الأقصى وأطلقت أعيرة نارية وغازات مسيلة للدموع على المصلين وذلك في سياق حالة استنفار قصوى، كما فرضت قيودا مشددة على الدخول إلى المسجد الأقصى.
وكان قاضي قضاة فلسطين الشيخ تيسير التميمي قد أعلن أن اليوم الجمعة يوم للغضب وللتظاهر احتجاجا على الحفريات الإسرائيلية في جوار الحرم القدسي الشريف.
ونقلت وسائل إعلام فلسطينية عن التميمي دعوته "للخروج بالمظاهرات تنديدا واحتجاجا على جريمة الاحتلال الإسرائيلي بهدم الطريق التاريخي المؤدية إلى باب المغاربة. واستمرار حكومة إسرائيل بحفريات على نطاق واسع وفتح شبكة أنفاق وبناء كنس تحت أساساته وبجواره مما يعرض المسجد الأقصى لخطر الانهيار والتهويد".

كما منعت الشرطة الإسرائيلية أمس مفتي القدس والديار الفلسطينية محمد حسين من دخول منطقة الحفريات في وقت أبقت فيه القيود التي تحد من دخول المصلين باحة المسجد الأقصى بذريعة استمرار الأشغال عند باب المغاربة.

واقتصرت الإجراءات الإسرائيلية على السماح بالدخول لمن تجاوز الـ45 من العمر إذا كان يحمل بطاقة هوية زرقاء تمنحها إسرائيل.

ردود فعلوقد توالت ردود الأفعال المنددة بعمليات الهدم الإسرائيلية عند باب المغاربة في محيط الحرم القدسي منذ أربعة أيام, كما ينتظر أن تشهد الأراضي الفلسطينية اليوم مظاهرات غاضبة للاحتجاج على الاعتداءات الإسرائيلية على المسجد الأقصى المبارك. وستعقد الجامعة العربية اجتماعا طارئا يوم غد السبت لبحث الموضوع.
كما ناشدت المجموعة العربية في الأمم المتحدة مجلس الأمن الدولي التدخل لوقف أعمال الحفر الإسرائيلية في القدس. واتفق السفراء العرب على الطلب من الأمين العام للأمم المتحدة بان كي مون ومجلس الأمن -في رسالة سيرفعونها لهما- مناقشة المسألة في الاجتماع الشهري للمجلس بشأن الشرق الأوسط الثلاثاء القادم.

إسرائيل حشدت قوات ضخمة لمواجهة قاصدي الأقصى (الفرنسية)وطالب السفراء في بيانهم مجلس الأمن اتخاذ اجراءات فورية وعاجلة لوضع نهاية للانتهاكات الإسرائيلية وضمان احترام إسرائيل للقانون الدولي وقرارات مجلس الأمن. كما استنكر البيان "تصعيد سلطة الاحتلال الإسرائيلي لعدوانها على الأوقاف الإسلامية في القدس الشرقية المحتلة ويوم أمس استدعت مصر سفير إسرائيل لديها وأبلغته غضبها من أعمال الحفر والهدم. وقال بيان للخارجية المصرية إن من شأن هذه الأعمال تقويض الجهود التي تبذل حاليا من أجل إعادة بناء الثقة بين الطرفين الفلسطيني والإسرائيلي من أجل إحياء عملية السلام.
وفيما تعقد جامعة الدول العربية اجتماعا طارئا غدا السبت، قال مندوب فلسطين الدائم لدى الجامعة حسين عبد الخالق إن هذا الاجتماع سيعقد على مستوى المندوبين الدائمين برئاسة البحرين، وأشار إلى أن الاعتداءات جزء من مخططات إسرائيل المتكررة لفرض الأمر الواقع في القدس والمسجد الأقصى، مؤكدا أن "استمرار الحفريات أسفل المسجد يشكل خطرا على هذا المبنى المبارك".
كما أدانت السعودية الحفريات بوصفها استفزازا لمشاعر المسلمين ودعت المجتمع الدولي للضغط من أجل وقف العدوان الإسرائيلي على المسجد الأقصى.
من جانبها طلبت منظمة الأمم المتحدة للتربية والثقافة والعلوم (يونيسكو) تعليق الحفريات, وشددت على مخاطر حصول توتر بين الإسرائيليين والفلسطينيين، وضرورة احترام التراث العالمي وذلك في رسالة إلى رئيس الوزراء الإسرائيلي إيهود أولمرت

التبشير خطر داهم يهدد المسلمين

لقد كنت أسمع من ذى قبل عن حملات التنصير ومحاولات الغرب فى تنصير المسلمين وغيرهم وما إلى ذلك, ولكن عندما طالعت كتابا يتناول قضيتى الاستشراق والتبشير من منظور مادى بلغة الأرقام عرفت مدى الكارثة التى نحن غارقون فيها ولا ندرى عنها إلى القليل.
والآن أريد أن أترككم مع بضعة أرقام وما هى إلا قليل من كثير جدا لم يسع المقام بإضافته:
يقدر عدد المبشرين فى العالم فى سنة 1407هــ - 1987م – بحوالى 220 ألف مبشر منهم 138ألف من الكاثوليك , 82 ألف من البروستنت, ومن هؤلاء و أولائك حوالى 6000 مبشر كاثوليكى, 22000 بروستنتى من الولايات المتحدة الأمريكية, وفى إحصاء قامت بها جهات رسمية عربية تبين أنه تم تنصير حوالى 5,000,000(خمسة ملايين) مسلم فى أندونسيا ويقول البعض إنهم 10,000,000(عشرة ملايين). ومن اسفٍ أن نقرر أن أكثر هؤلاء تم تنصيرهم وفقا لما يقرره أبناء البلد بحفنات من الأرز لا تجدها العائلات الجائعة فى تلك البلاد بينما يمرض وأحياناً يموت كثيرون تخماً من الطعام , وبينما يلقى الكثيرون من المترفين فى قمامتهم ما يدفع الجوع والكفر فى أولائك البائسين
· استخدمت التكنولوجيا الحديثة فى الدعوة إلى التنصير كاستخدام البريد الألكترونى وشبكة الأنترنت وبلغ عدد أجهزة الكمبيوتر المستخدمة لخدمة التنصير (206961000) عام 1996م
· ولقد قامت شركة مايكرو سوفت لبرامج الكمبيوتر العالمية بتزويد المؤسسات التنصيرية ببرامج مجانية بقيمة5,000,000 (خمسة ملايين دولار) خلال عام 1993
· قام القس الأمريكي المشهور ((بيلى جراهام)) صاحب معهد خاص بتنصير المسلمين بحملة صليبية تهدف إلى 400 مليون شخص فى 500مدينة , عن طريق الأقمار الصناعية عبر 16قرصاً للأقمار الصناعية إلى 170 دولة , وهذه هى أكبر عملية تنصيرية تستخدم فيها التكنولوجيا الحديثة بهذا الزخم.
· دعت الكنيسة فى إنجلترا أتباعها إلى اداء الصلاة على الانترنت وفتحت الكنيسة موقعا فى الشبكة تبين من خلاله كيفية أداء الصلاة بشكل بسيط .
· كانت هناك كنيسة وحيدة فى العاصمة "بامكو" بمالى حيث لا يوجد إلا 2% من السكان من النصارى إلا انه الآن وبسبب النمو الكبير فى حركة التنصير تم بناء 32 كنيسة فى العاصمة وحدها (الاحصائية حتى عام 1996)
· فى غانا شيدت 600 كنيسة جديدة خلال عام واحد فقط وهو عام 1993 (صدق أولا تصدق)
International Bullettin Of Missionary Researchنشرت المجلة الدولية للبحوث الآثارية الأمريكية

: بعض الأرقام عن النشاط التنصيرى لعام 1990
- عدد المنظمات العاملة : 21000 منظمة
- عدد المنظمات التى تبعث بالمنصرين : 3970 منظمة
- عدد المعاهد التنصيرية : 99200 معهد
- عدد المنصرين العاملين داخل أوطانهم : 3,923,000 منصر
- عدد المنصرين العاملين خارج أوطانهم 285,250 منصر
- عدد المجلات والدوريات التنصيرية: 23800مجلة دورية
- عدد نسخ الانجيل والعهد الجديد : 129 مليون نسخة
- التبرع للكنيسة: 157 بليون دولار
- أنواع الكتيبات الجديدة: 65600 كتيب
- عدد محطات الإذاعة والتليفزيون :2160 محطة
- عدد المستمعين والمشاهدين شهرياً: 1369620600 شخص
ونشرت المجلة نفسها إحصائية أخرى لأعمال التنصير خلال عام 1996 جاء فيها:
- عدد المنظمات العاملة : 4500 منظمة
- عدد المنظمات التى تبعث بمنصرين : 23200 منظمة
- عدد المنصرين العاملين داخل أوطانهم : 4,635,500 منصر
- عدد المنصرين العاملين خارج أوطانهم :398,000 منصر
- التبرع للكنيسة 193 بليون دولار
- عدد أجهزة الكمبيوتر المستخدمة فى خدمة التنصير : 206961000 جهاز
- أنواع المجلات والدوريات التنصيرية : 30100 مجلة دورية
- عدد نسخ الأناجيل والعهد الجديد :178,317,000 نسخة
- عدد محطات الإذاعة والتلفزيون: 3200محطة
أيها الأخوة المؤمنون بعد قراءتكم لتلك الأرقام , هل أصابتكم حالة الذهول التى تعترينى منذ قراءة ذلك الكتاب وحتى الآن؟
هل بدأ أحد منكم فى التفكير بكيفية الرد على تلك الوسائل التى اخلصوا لها وأفنوا فيها أعمارهم وأموالهم؟

ان صورة الاسلام مشوهة لدى الغرب ومن الواجب علينا توضيح هذه الصورة كلنا سيسأل فلنحاول بكل وسيلة متاحة وممكنة لرد هذه الصورة

يا غائباً طواه الثرى

يا غائباً طواه الثرى... دعوت لك الله نعيماً وإحسانا
أدعو لك الله جنةً ورضوانا... وأدعوه لي ولأهلك صبراً وسلوانا
إرتحت للبكاء عند ذكراك... ففقدك أذاب صخراً صوانا
يقولون عيبٌ بكاء الرجل... فوالله قولهم زوراً وبهتاناً
لو فقدوا ما فقدت... لبكوا كما تبكي الأرامل الحزانى
بكيتك وأبكيك عند التذكرة... فالبكاء يزيل أو يخفف الأحزانا
إن أنت لم أبكيك فمن أبك... أعز منك أو أقرب إنسانا
يا قارئاً قصيدتي بالله ترحَّم... على نبيل فإنه أهل لها وعنوانا
حنكتني التجربة بفقد صادق... فلمن غير الله أشكو الزمانا
فرحمة الله عليكم أحبائي... بعدد ما قرأ المسلمون قرآنا
بعدد الحروف والكلمات في اللغة... ورحمكم الله كلما رفع الأذانا
فإلى جنان الخلد يا صاحبي... إلى جوار ربك فهو الرحمانا

وداعاً .... عمو نبيل

دائما ما يحدث هذا الأمر .. نحب .. نشتاق.. نتعلق.. ثم .... تحول الظروف بيننا وبين لقاء من نحب, نعيش آملين فى اللقاء ولو بعد حين ونقول (مصير الحى يتلاقى), مرة أخرى اخرى تنهمر دموعى ولكنها كالعادة دموع لا يراها أحد إنها دموع أقوى من دموع العين إنها دموع دامية انها دموع القلب .

هذه المرة الأمر يختلف قليلاً , فهادم اللذات ومفرق الجماعات لم يترك لنا فرصة فى اللقاء, فقد انتقل من نحب إلى الرفيق الأعلى ...نعم وري من نتلهف للقاؤه , وري التراب,,,
لا نستطيع لقاؤه فى اليقظة, لكن عندما يزيد الشوق يكون هناك حُلماً رائعاً نلتقى فيه....ـ
صوته الهادئ الرزين, طريقة تفكيره, خواطره الرائعة ... كل هذا ينطوى على شخصية رائعة عقلانية مفكرة لها خبرة عميقة بالحياة, لم يبخل على أحد بالنصيحة لم يتوانى فى المناسبات عن تذكر أبناؤه والاطمئنان عليهم.
قبل وفاته بأيام قلائل وتحديداً فى أول أيام العيد اى قبل وفاته بأربعة أيام حوالى الساعة التاسعة صباحاً فوجئت برقمه على هاتفى فسارعت مجيباً عليه, كان صوته دافئاً قوياً فرحاً جداً ( الدكتور سمحلى أعيد عليكم بس نص ساعة بس ما اتكلمش اكتر من كده وكمان بالليل ان شاء الله هاقدر ادخل نص ساعة كمان على المنتدى)!!!ـ
ده كان آخر كلامى معاه قبيل وفاته
أردت الاتصال به مجدداً لكن ظروفى الصحية منعتنى فى ثانى وثالث أيام العيد أما فى رابع أيام العيد (اليوم السابق لوفاته) لم يكن يجيب على الهاتف فقررت الانتظار إلى يوم الغد لمعاودة الإتصال , وأنا عادة أكلمه بعد الثامنة مساءاً.
ولكن هيهات هيهات .... فهناك قدر وهناك أجل لم يمهلنى معاودة الاتصال به.
غريبة هذا اليوم اضع هاتفى بجوارى وانا نائم فتصلنى رسالة على الهاتف الساعة 4.38 دقيقة بعد العصر من احد أصدقائى استيقظت من نومى على صوت الرسالة التقطت هاتفى وفتحت الرسالة لأجد محمد قنديل (تجارة كفر الشيخ) يقول لى فى الرسالة (البقاء لله... عمو نبيل) لم ادرى ماذا أفعل!! خبر لا استطيع ماذا أقول حياله؟!! اتصلت به فوراً (محمد يا قنديل فى إيه؟ امتى الكلام ده حصل؟ - بعد العصر . إزاى امتى الكلام ده؟ ما أنا بقولك بعد العصر!! – عرفت منين؟ شاورما (محمد صلاح) هو اللى بلغنى , - طيب أنا هاكلمك تانى لأنى مش عاف اقول ايه) أغلقت الخط وأناملى تضغط أزرار الهاتف بكل قوة وسرعة لإستخراج رقم (عمو نبيل) أيوه الرقم أهه , جرس والتانى والتالت وبعد كده حد رد علي بس للأسف مكنش صوت عمو نبيل (ممكن اكلم الحاج نبيل؟ - الحاج نبيل ... البقاء لله. ايه؟!! الحاج نبيل اتوفى وأنا ابن نسيبه, - امتى الكلام ده حصل؟!! – بعد العصر وإن شاء الله هنغسله دلوقتى ونكفنه والدفن هايكون تقريباً بعد العشاء. – البقاء لله شيدوا حيلكم وادعوا له بالرحمه, سلام عليكم)ـ
قفلت الخط وكل ده وأنا لسه فى مكانى على السرير بصراحة مش قادر اتحرك, عاجز عن التفكير, مش عارف أعمل ايه؟ طب ايه اللى اقدر أقدم هوله؟ ما لقتش فى ايدي غير إنى ادخل المنتدى وبلغهم بوفاته واطلب من الجميع الدعاء له وادعى ربنا إن أكبر عدد من الأعضاء يدخلوا ويدعوا له بظاهر الغيب عسى أن يكون دعاؤهم شفيعاً له وعسى أن يخفف عنه.
حالة من الحزن, جو كئيب, لا أدرى ماذا أفعل سوى ان اقول "إنا لله وإنا إليه راجعون" ... لكن هناك بصيص أمل (فلعلى يوم الحشر ألقاك)
اللهم أغفر له وتقبله وتجاوز عنه اللهم نقه من الذنوب والخطايا كما ينقى الثوب الأبيض من الدنس اللهم أغسله بالماء والثلج والبرد اللهم باعد بينه وبين خطاياه كما باعدت بين المشرق والمغرب اللهم أحسن نزله ووسع مدخلهاللهم ابدله دارا خيرا من داره واهلها خيرا من اهله وزوجا خيرا من زوجهاللهم ارحمه في بطن الارض واستره يوم العرض واعفو عنه وتقبله مع عبادك الصالحيناللهم ان كان محسنا فضاعف حسناته وان كان مسيئا فتجاوز عن سيئاتهاللهم الهم اهله وذويه الصبر والسلوان وخفف عنهم مصابهماللهم اجمعنا به فى جنات النعيم .... اللهم امين